في سماء الـ (فواصل)حُق لها أن ترى النور ...

توصل عزيزي بـالسلامه والامان

وبحفظ ربـك باقيـا فـي الهنايـا

ياقلب أمك يـوم ترحـل علشـان

تفخـر وتحكـي للنشامـا البرايـا

هذا ولدي لاهـان لاهـان لاهـان

سافر طموحه فـوق هـام العلايـا

هو الاكيد ان الالـم وقتـه وحـان

الله يصبـر عيـن فاضـت جرايـا

الله يعين اللـي تمنـى بـالامكـان

انـك تناسـى سفرتـك بالرجايـا

والا ابـوك يـوم يضحـك ولابـان

انه عليـل وعلتـه فـي الخفايـا

ماابغى اشوفك يوم ترحل عن اوطان

ماابغى اعيد اللي مضى من عنايـا

ابيك تبقـى بيـن امـك والاخـوان

امام عيني وبيـن روحـي ومعايـا

هذي هي الدنيا وكان اللـذي كـان

بس الصبر يشفي النفوس الضمايـا

يااخوي دينك ثـم دينـك والاركـان

حافظ عليهـا واتصـف بالسجايـا

اللي تقيك حـر نـاره ..ولاتهـان

يوم الحشر يااخوي ..هذي وصايـا

توصل عزيزي بالسلامه والامـان

وبحفظ ربـك باقيـاً فـي الهنايـا

حياة...قاحله